سن رائزرز حیدرآباد اتے چنائی سپر کنگز وچال آئی پی ایل کوالیفائر ون میچ (اج) کھیڈیا ویسی

ممبئی (پاکستان پوائنٹ نیوز 21 مئی 2018ء) انڈین پریمیئر لیگ اچ کوالیفائر ون میچ (اج) منگل کوں کھیڈیا ویسی ۔ میچ سن رائزرز حیدرآباد اتے چنائی سپر کنگز دیاں ٹیماں وچال وینکھیڈے سٹیڈیم اچ کھیڈیا ویسی۔ تفصیلات دے مطابق آئی پی ایل دے دلچسپ مقابلیاں دا سلسلہ جاری ہے اتے اج لیگ دے کوالیفائر ون میچ اچ سن رائزرز حیدرآباد اتے چنائی سپر کنگز دیاں ٹیماں وینکھیڈے سٹیڈیم، ممبئی اچ ہک بئے دے خلاف میچ کھیڈسن ۔ لیگ اچ (کل) بدھ کوں ایلیمنیٹر کولکتہ نائٹ رائیڈرز اتے راجستھان رائلز وچال میچ کھیڈیا ویسی۔ لیگ داکوالیفائر ٹو میچ 25 مئی کوں کھیڈیا ویسی ۔ جیندے بعد لیگ دے چیمپئن دا فیصلہ سانگے فائنل میچ 27 مئی کوں کھیڈیا ویسی۔