کولکتہ (پاکستان نیوزپوائنٹ 27اپریل 2018ء) انٹرنیشنل کرکٹ کونسل (آئی سی سی) بال ٹیمپرنگ کرنڑآلیاں اتے جھگڑالو کھڈاڑیاں کیتے سخت سزاواں مقرر کرنڑ بارے تجویزاں منگ گھدیاں ہن ۔ آئی سی سی دے چیف ایگزیکٹو ڈیو رچرڈسن کولکتہ اچ تھیونڑآلے پنج ڈینھ دے بورڈ اجلاس دے بعد میڈیا نال الیندے ہوئیں آکھیا جو گزریل مہینے جنوبی افریقہ اتے آسٹریلیا وچال کھیڈے گئے کیپ ٹاﺅن ٹیسٹ اچ کینگروز کھڈاڑیاں ولوں بال ٹیمپرنگ اسکینڈل کھیڈ دے تشخص کوں بری طرح خراب کیتے، میں سمجھداں ہاں جو ہنڑ کھیڈ دے حسن کوں برقرار رکھنڑ کیتے بال ٹیمپرنگ اچ ملوث کھڈاڑیاں اتے جھگڑالو کھڈاڑیاں کیتے سخت توں سخت سزاواں کرنڑ دا وقت آگئے اتے ایں بارے اساں آئی سی سی کرکٹ کمیٹی اتے چیف ایگزیکٹو کمیٹی توں تجویزاں منگیاں ہن ، امید ہے جو اساں چنگے نتیجے اُتے پج ویسن ۔
فٹ بال آلی کار کرکٹ اچ ریڈ اتے یلو کارڈ دی تجویز سامنڑیں آئی ہئی جڈانجو میڈے خیال اچ کرکٹ دے کھیڈ اچ ایں سزا اُتے عمل درآمد کراونڑاں بہوں اوکھاہے ۔
