سہ ملکی ویمن ٹی ٹونٹی انٹرنیشنل سیریز، آسٹریلیا و انگلینڈ نا ٹیمک فیصلہ کن معرکہ ٹی (اینو) مون پہ مون مریرہ

ممبئی(پاکستان نیوزپوائنٹ 30مارچ2018ء) سہ ملکی ویمن ٹی ٹونٹی انٹرنیشنل کرکٹ سیریز نا فائنل (اینو) ہفتہ نادے آ ممبئی ٹی گوازی کننگک ہراٹی آسٹریلیا و انگلینڈ نا ٹیمک مون پہ مون مریرہ۔ بھارت اٹی جاری سہ ملکی ویمن ٹی ٹونٹی سیریز فیصلہ کن مرحلہ ٹی پترینگانے۔ آسٹریلیا و انگلینڈ نا ٹیمک شاندار گوازی نا سوب فائنل اٹی جاگہ جوڑ کرینو، آسٹریلیا چار آن مسہ و انگلینڈ چار آن اِرامیچ کٹسا فائنل اٹی جاگہ جوڑ کرے، میزبان بھارت ویمن ٹیم سیریز اٹی بیرہ اسہ میچ اس کٹنگ کرے۔ آسٹریلیا و انگلینڈ نا ٹیمک داکان مست سیریز اٹی گوازی کروک آ اِرامیچ اٹی اسہ ایلو ءِ کٹفینو و داسہ ہڑتوم آتا نیام اٹ فائنل اٹی دلچسپ مقابلہ نا گمان ءِ۔