پاکستان بیڈمنٹن فیڈریشن دا کامن ویلتھ گیمز کیتے چار رکنی قومی ٹیم دا اعلان، (اج) آسٹریلیا ویسی

اسلام آباد(پاکستان نیوزپوائنٹ 30مارچ2018ء) پاکستان بیڈمنٹن فیڈریشن (پی بی ایف) آندے مہینے آسٹریلیا اچ شیڈول کامن ویلتھ گیمز کیتے چار رکنی ٹیم دا اعلان کیتے ۔ میگا گیمز 4 توں 15 اپریل تئیں گولڈ کوسٹ اچ تھیسن۔ایونٹ کیتے پی ایس بی سپورٹس کمپلیکس اسلام آباد اچ ٹرائلز توں بعد ٹیم چنڑی گئی اے،ٹرائلز اچ اٹھ مرد تے اٹھ ترمتیں کھیڈاڑیاں شرکت کیتی۔ٹیم اچ عرفان سعید اتے مراد علی( مینز) جڈاں جو ماہ نور شہزاد اتے پلوشہ بشیر ویمنز ایونٹس اچ پاکستان دی نمائندگی کریسن۔ واجد علی چوہدری منیجر، افتخار حسین کوچ ہوسن۔ٹیم (اج) دھمی ویلھے آسٹریلیا ویسی۔