اسلام آباد(پاکستان نیوزپوائنٹ19جنوری2018ء) قومی وطن پارٹی ءِ سروک راجی اسمبلی ءِ آفتاب احمد خان شیرپاؤ ءَ گشتگ کہ عمران خان ءِ مزن گسءِ ھوالگءَ بیانءَ را ایر جن ایں، مزن گسءِ شرپ کنگ مئے سرءَ فرض اِنت، اے چارگی اِنت کہ عمران چارسالء ُ نیمءِ تہا چنچو رندءَ مزن گسءَ ساڑی بوتگء ُ کانود جوڈ کنگءَ بھر زُرتگ۔ جمعہ ءِ روچءَ مزن گسءِ ڈنءَ ھال درءِ گوما گپء ُ تران کنانءَ آئی ءَ گشتگ کہ مزن گسءِ بے شرپی کنگ شریں کارے نہ اِت۔
عمرا ن خان وت مزن گسءِ باسک اِنت ء ُ آئیءَ مزن گسءِ بے شرپی کتگ۔ آئیءَ گشتگ کہ مزن گسءِ ڈنءَ سیاست کنگ جوان نہ اِنت۔ سیاست دان مزن گسءِ سرءَ اوست کن اَنت ھمک مردم کہ گچین کاریءَ بھر زور اَنت آھاں الم ءَ مزن گسءِ تہا آھگ لوٹ ایت۔ آئیءَ گشتگ کہ لھس گچین کاری ءِ تہا چار ماھ پشت کپتگ۔ آئی ءَ را سگء ُ اوپار کنگ لوٹ ایت۔
