فیصل آباد (پاکستان پوائنٹ نیوز26دسمبر 2018ء) ساحرانہ ترنم، پھل و خوشبو تا شاعرہ ، لطیف جوزہ غاتے لوز آتا پیرہن تروک آ پروین شاکر نا 24می برسیءِ چارشنبے نادے آ فیصل آباد تون اوار مچ آ ملک اٹ اڈتننگا۔ خوشبو ، صدربرگ، خودکلامی،انکار، ماہ تمام تون اوار کیہی شاعری مجموعہ کلام نا مصنف پروین شاکر زالبول نا بے کچ ہر دلعزیز شاعرہ ئس۔ پروین شاکر 24نومبر 1952ء ٹی کراچی ٹی ودی مس۔
اوجامعہ کراچی آن انگریزی ادب اٹی ایم اے نا ڈگری ءِ ہلک و پی ایچ ڈی نا ڈگری ءِ ہلنگ آن پد اول او درس و تدریس نا بشخ اتون وابستہ مس ولے 9 سال آن پد درس و تدریس ءِ ہلسا او کسٹمز ڈیپارٹمنٹ اٹی بڑزکو آفیسر اسے نا حیثیت اٹ کیہی سال اسکان تینا کسبی فرض ءِ سرانجام تس، و اوڑتون اوار اوار ریڈیو پاکستان نا چندی علمی و ادبی پروگرام تے ٹی شرکت کرسا کرے۔ اوچنک وئی ٹی ہی شعر گوئی نا بناءِ کریسس و تینا لازوال شاعری ٹی مابت، حسن و نیاڑی ءِ تینا سرحال سخن جوڑ کرے۔ اونا شاعری چندی نشیب و فراز آتا گواچی ئس ہنداسوب ءِ کہ او تینا شاعری ٹی جاگہ اس کرب و وخت اس شگفتگی نا خیال آتا درشانی ءِ کرے۔ اونا شاندار خذمت آتیا اودے آدم جی ایوارڈ، پرائیڈ آف پرفارمنس و ایلو ایوارڈ اتے ہم تننگا۔