اسلام آباد (پاکستان نیوز پوائنٹ 8دسمبر2016ء) صدر ممنون حسين چيو آهي ته دنيا ۾ اهي ئي قومون مشهور هونديون آهن جيڪي پنهنجي صلاحيتن ۽ محنت کي استعمال ۾ آڻيندي پنهنجي ضرورتن ۾ ڀاڻڀرو ٿي وينديون آهن، معاشي استحڪام کانسواءِ پاڻڀرو ٿيڻ جي منزل تي پهچڻ ممڪن نه آهي، پاڪستان ۾ پيدا ٿيندڙ نون امڪانن مان ڀرپور طريقي سان فائدو وٺڻ جي لاءِ ڪنهن به جهول کان پاڪ منصوبابندي ۽ چين پاڪستان اقتصادي راهداري کي ڪاميابي سان مڪمل ڪرڻ جي لاءِ ڀرپور قومي هم آهنگي جي ضرورت آهي. صدر اها ڳالهه منصوبابندي، ترقي ۽ سڌارن واري وزارت جي اهتمام هيٺ منعقد ”قومي استحڪام، ترقي ۽ قوت ۾ شامل ترڪيبي عنصرن “ جي موضوع تي ڪل پاڪستان ڪانفرنس کي خطاب ڪندي چئي. صدر چيو ته اسان کي قومي ترقي ۽ استحڪام جي لاءِ اهم ڪردار ادا ڪندڙ عملن جو گهري نظر سان جائزو وٺي پنهنجي حڪمت عملي جو تعين ڪرڻو پوندو، هن چيو ته اڄ جي دور ۾ تعليم جي اهميت سڀ کان وڌيڪ آهي، گذريل ڪجهه ڏهاڪن دوران پاڪستان ۾ تعليمي ادارن جو تعداد ۽ ان تناسب سان تعليم جي شرح ۾ مناسب اضافو ٿيو آهي، قومي مقصد حاصل ڪرڻ جي ڏس ۾ هي هڪ حوصلي واري اڳڀرائي آهي پر تعليمي شعبي ۾ نظر ايندڙ ان ترقي جي معيار ۽ مقدار جي باري ۾ اسان کي گهڻو محتياط ۽ بيدار رهڻ گهرجي، صدر چيو ته موجوده دور جو هڪ وڏو مسئلو تعليم جو معيار به آهي، مقابلي جي امتحانن ۽ ٻين موقعن تي تعليم يافته نوجوانن جي ڪمزور ڪارڪردگي اسان جي لاءِ خطري جي گهنٽي وڄائي ڇڏي آهي، ان لاءِ اڻٽر ٿي ويو آهي ته شروعاتي تعليم کان وٺي اعليٰ تعليم تائين جي مختلف شعبن تائين تعليم جي معيار کي جاچڻ جي لاءِ هڪ موثر لائحه عمل جوڙيو وڃي، ان رخ ۾ جيڪڏهن ٿوري به ڪوتاهي ٿي وئي ته ان جي نتيجي ۾ اسان پنهنجي ٻارن جا ڪيترائي مهينا ۽ سال ۽ قوم جو قيمتي سرمايو ضايع ڪري ويهنداسين ۽ هي اهڙو نقصان هوندو جنهن جو نتيجو اسان کي مدتن تائين ڀوڳڻو پوندو، هن چيو ته تعليم جي شعبي ۾ ٿيندڙ اڳڀرائي سان گڏوگڏ هڪ عالمي رجحان به ملڪ ۾ راهه جوڙي آهي جنهن تحت اعليٰ درجي جي پيشيوراڻي تعليم انتهائي مهانگي ٿي وئي آهي ان سان هي خطرو پيدا ٿي ويو آهي ته وسيلا رکندڙ ماڻهو ان جڳهه تي وڃي پهچن جيڪا انهن جي لاءِ مناسب نه آهي جڏهن ته اهل ۽ مستحق شاگرد پنهنجي صلاحيت موجب اعليٰ فني تعليم کان محروم رهجي وڃن، اهڙي طرح نوجوانن جو هڪ وڏو تعداد هدفن جي تعين کانسواءِ ڊگريون ته حاصل ڪري وٺندو پر هي واندا هوندا، هن وڌيڪ چيو ته اسان جا تعليمي ماهر ۽ منصوبابندي جا ادارا انهن معاملن تي غور ڪندا ۽ قابل عمل تجويزون ضرور پيش ڪندا جيڪي مستقبل جي تعليمي منصوبابندي جي لاءِ معاون ثابت ٿي سگهنديون، صدر چيو ته معاشي استحڪام جي حوالي سان گذريل ٽن چئن سالن ۾ مختلف شعبن ۾ نمايان بهتري رڪارڊ ڪئي وئي آهي جنهن جو اعتراف آزاد عالمي ادارا به ڪري رهيا آهن، پاڪ چين اقتصادي راهداري جي شڪل ۾ اسان تي الله جي هڪ ٻي عنايت ٿي رهي آهي جيڪا اسان جي جاگرافيائي بيهڪ کي پاڪستان جي معاشي استحڪام جي لاءِ هڪ طاقتور عنصر جي حيثيت سان سامهون آڻي رهي آهي، ملڪ ۾ پيدا ٿيندڙ نون امڪانن مان ڀرپور طريقي سان فائدو وٺڻ جي لاءِ ڪنهن به جهول کان پاڪ منصوبابندي ۽ ان اهم قومي منصوبي کي ڪاميابي سان مڪمل ڪرڻ جي لاءِ ڀرپور قومي هم آهنگي جي ضرورت آهي، هن چيو ته معاشي طور تي پاڻڀرو ٿيڻ جي لاءِ ضروري آهي ته صنعتي شعبي ۽ سرڪاري منصوباسازي مستقبل جي ٽيڪنالاجيز ۽ صنعت ۽ واپار جي لاءِ نون امڪانن جي باري ۾ مسلسل غور ۽ فڪر ۽ تحقيق ڪندا رهون ڇو ته جيڪي قومون تيز رفتاري سان بدلجنديون آهن اهي ٽيڪنالاجي ۽ انداز فڪر جو ساٿ نٿيون ڏئي سگهن، ترقي جي ڊوڙ ۾ پوئتي رهجي وينديون آهن.
هن چيو ته پاڪستان دنيا جي عظيم تهذيبن جي سنگم تي واقع آهي، ان جي تهذيبي ۽ ثقافتي قدر، هن سرزمين کي دنيا جي ٻين خطن کان مشهور ڪندا آهن ۽ ائين پاڪستان سياحت سميت مختلف مشغلن ۽ مطالعي جي لاءِ سڄي دنيا جي لاءِ غير معمولي ڪشش رکي ٿو، صدر چيو ته پاڪستان جو دفاع مضبوط آهي ۽ پاڪستاني فوج جو شمار دنيا جي بهترين پيشيوراڻي ۽ منظم فوج ۾ ٿئي ٿو جيڪا نه رڳو دفاع پر علائقائي امن ۽ استحڪام ۾ به اڻ ڳڻيون خدمتون سرانجام ڏئي رهي آهي، اسان جا اسٽريٽجڪ اثاثا، سلامتي ۽ استحڪام ۾ اسان جا معاون آهن جيڪي پاڪستان جي داخلي ۽ پرڏيهي پاليسين کي مضبوط بڻائيندا آهن، پاڪستان امن عالم جي لاءِ قائداڻو ڪردار ادا ڪري رهيو آهي، ضرورت ان ڳالهه جي آهي ته اسان پنهنجي نظريي ۽ پاڪستاني جي بانين جي تعمير واري جذبي کان ڪم وٺندي هڪ واضح ۽ قابل عمل حڪمت عملي تحت پاڪستان جي تعمير جي عظم مشن ۾ تن من، ڌن سان مصروف عمل ٿي وڃون، صدر چيو ته کيس يقين آهي ته اهڙي طرح هڪ روشن، طاقت ور ۽ سڄي دنيا ۾ مٿانهين حيثيت رکندڙ پاڪستان پاڻ هي وجود ۾ اچي ويندو، تعليم ۽ پيشيوراڻي تريبت وارو مملڪتي وزير انجنيئر بليغ الرحمان ۽ هائير ايجوڪيشن ڪميشن جو چيئرمين ڊاڪٽر مختار احمد به تقريب کي خطاب ڪيو.