شاہ محمود قریشی دا وزارت چھڈن دا امکان شاہ محمود قریشی دی کیہ خاہش اے تے اوہ کیہ چاہندے نیں؟

اسلام آباد(پاکستان پوائنٹ نیوز28۔ستمبر۔2018ء) نجی ٹی وی چینل دے پروگرام وچ گل بات کردے ہوئے مشہور پرچاکار ڈاکٹر شاہد مسعود نے آکھیا کہ عمران خان نوں یاں تے پتا سی یاں اندازہ سی کہ جہانگیر ترین خلاف فیصلا آئے گا۔

عمران خان ایس حوالے نال ذہنی طور اُتے تیار سن ایس لئی فیصلے نال اوہناں نوں بُہتا جھٹکا نہیں لگا۔ اوہناں نے آکھیا کہ جہانگیر ترین ایس فیصلے لئی ذہنی طور اُتے تیار نہیں سی پر ظاہر اے کہ اوہ سیاست و چ فعال رہن گے۔

ڈاکٹر شاہد مسعود دا کہنا سی کہ پاکستان تحریک انصاف اندر دو گروپ نیں۔ اک جہانگیر ترین

تے دوجا شاہ محمود قریشی گروپ اے۔

شاہ محمود قریشی ایہ چاہن گے کہ اوہ ہن وزیر اعلا پنجاب بن جان ، جے چالو سیٹ اپ چلدا رہیا تے اوہناں دی خاہش ہوئے گی کہ اوہ وزارت خارجا چھڈ دین تے پنجاب وچ آکے وزارت اعلا دا عہدہ سنبھالن۔

ڈاکٹر شاہد مسعود نے آکھیا کہ شاہ محمود قریشی لئی وزارت خارجا اک تھکا دین والا کم اے کیونکہ اوہ ایس توں پہلاں وی وزیر خارجا رہ چکے نیں۔

پنجاب وچ جو گروپ حاوی اے اوہ جہانگیر ترین دا گروپ اے تے شاہ محمود قریشی اک دم وزارت خارجا دا عہدہ چھڈ وی نہیں سکدے کیونکہ اجے ایہ عہدہ بہت اہم اے۔