سپیکر قومی اسمبلی نے عمران خان اگے فواد چودھری دی شکایت لا دتی اسد قیصر نے عمران خان نوں آکھیا جے اوہناں دا ایہو رویہ رہیا تے میں ایوان نہیں چلا سکدا:نصرت جاوید

اسلام آباد(پاکستان پوائنٹ نیوز28۔ستمبر۔2018ء) سپیکر قومی اسمبلی نے عمران خان اگے فواد چودھری دی شکایت لا دتی۔اسد قیصر نے عمران خان نوں آکھیا کہ جے اوہناں دا ایہو رویہ رہیا تے میں ایوان نہیں چلا سکدا۔

تفصیل مطابق مشہور پرچا کار نصر ت جاوید دا آکھنا اے کہ وفاقی وزیر اطلاعات فواد چودھری نے آکھیا سی کہ جے میں ڈاکو نوں ڈاکو نہیں آکھاں گا تے ایہ کیہ آکھاں گا۔

جے اپوزیشن نے ایوان وچ واپس نہیں آنا تے نہ آئے ۔نصرت جاوید دا کہنا سی کہ ایس بارے مینوں نوجوان پرچا کارا نے دسیا

اے کہ سپیکر قومی اسمبلی اسد قیصر نے عمران خان نوں واضح آکھ دتا کہ جے ایہو حالات ایون اندر رہے تے فیر میں ایوان نہیں چلا سکاں گا کیونکہ میں بہت چنگے ماحول وچ ایوان نوں چلا رہیا سی تے ایوان وچ کوئی ہنگامہ آرائی نہیں ہوئی۔

اپوزیشن والے وی آرام نال آؤندے نیں۔ نصرت جاوید دا ہور کہنا سی کہ فواد چودھری توں لوک ناراض ہوندے نیں کیونکہ طاقت ور لوکاں نوں ای دوجے دی طاقت دا خطرہ ہوند اے تے فواد چودھری جو وی آکھ رہے نیں اوہ اپنے کپتان عمران خان دے آکھن اُتے آکھ رہے نیں۔