ڈولفن اہلکار نے موٹر سائیکل سوار سوانی دا ہتھ پھڑ لیا موٹر سائیکل خراب ہون کارن ڈولفن پولیس اہلکاراں نے سوانی دا ہتھ پھڑ کے منزل تیکر اپڑایا
لاہور(پاکستان پوائنٹ نیوز27۔ستمبر۔2018ء) ڈولفن اہلکار نے موٹر سائیکل سوار سوانی دا ہتھ پھڑ لیا۔ موٹر سائیکل خراب ہون کارن ڈولفن پولیس اہلکار نے موٹر سائیکل سوار سوانی دا ہتھ پھڑ کے اوہنوں منزل تیکر اپڑایا، ویڈیو وائرل۔تفصیل مطابق پولیس اُنج تے لوکائی دی خدمت کردی ای رہندی اے پر کدی کدی ایس طرحاں لوکائی دی خدمت کردی اے کہ سبھ دے دلاں نوں جت لیندی اے۔ اجیہی ای اک ویڈیو سوشل میڈیا اُتے وائرل ہو رہی اے ۔ ویڈیو وچ ویکھیا جا سکدا کہ ڈولفن پولیس اہلکار
موٹر سائیکل سوار سوانی دا ہتھ پھڑ کے اوہنوں لیجا رہے نیں۔ ویڈیو سوشل میڈیا اُتے وائرل ہو گئی اے۔ سوشل میڈیا اُتے ویڈیو ساہمنے آن مگروں خبراں آن لگیاں کہ ڈولفن پولیس کول ہتھ کڑیاں نہیں سن، ایس لئی اوہناں نے سوانی دا ہتھ پھڑیا۔ پر میڈیا رپورٹس وچ دسیا گیا اے کہ موٹر سائیکل سوار سوانی دا موٹر سائیکل خراب ہو گیا ،جیہدے مگروں ڈولفن پولیس دے اہلکاراں نے سوانی دی مدد کیتی تے اوہناں نوں منزل تیکر اپڑایا۔