اسلام آباد(پاکستان پوائنٹ نیوز27۔ستمبر۔2018ء) سپریم کورٹ نے جہانگیر ترین دی نظر ثانی درخاست رد کردے ہوئے نااہلی دا فیصلا برقرار رکھیا اے۔
میڈیا رپورٹس مطابق چیف جسٹس سپریم کورٹ جسٹس ثاقب نثار دی سربراہی وچ اج جہانگیر ترین نااہلی کیس دی نظرثانی درخاست دی سنوائی ہوئی۔
سنوائی دوران سپریم کورٹ نے جہانگیر ترین دی نظرثانی درخاست ردکر دے ہوئے نااہلی دا فیصلا برقرار رکھیا اے۔ جہانگیر ترین دے وکیل نے عدالت وچ جہانگیر ترین دی ٹرسٹ ڈیڈ پیش کیتی، وکیل مطابق دستاویز ٹرسٹ دیاں سن تے اوہناں دے قبضے وچ سن۔
چیف جسٹس سپریم کورٹ نے ریمارکس دتے کہ اسیں ایہ شیواں پہلے منگ رہے ساں پر نہیں دتیاں گئیاں۔ محاورہ اے کہ ’جو تھپڑ لڑائی کے بعد یاد آئے وہ کس کو مارنا چاہیے؟دستاویزات تہانوں بعدیاں ملیاں تے کیہ نظرثانی دا جواز بند اے؟دوجے پاسے جدوں جہانگیر ترین کولوں سوال کیتا گیا کہ خواجا آصف نوں وی نااہل کیس وچ ریلیف ملیا سی ایس بارے تُسیں کیہ آکھو گے؟جواب وچ جہانگیر ترین دا کہنا سی کہ فیصلے توں بڑی آس سی پر اج دے فیصلے توں بہت دُکھ ہویا اے۔
اوہناں دا کہنا سی کہ ایہ عدالتی فیصلا اے تے ایس بارے گل نہیں کراں گا۔