اسلام آباد(پاکستان نیوز پوائنٹ 7دسمبر2016ء) بنجاہی وزیر داخلہ چوہدری نثار علی خان ءَ چترال ءَ اسلام آباد آؤکیں مساپر طیارہ کپگ ءَ تباہ بوھگ ءِ سرا کمکی کارروائی ءِ ھاترءَ درستیں ہمگرنچ بنجاہی ادارگ ءَ صوبائی حکومت ءُُ انتظامیہ ءَ ریسکیو ءُُ ریلیف ءَ کمک دئیگ ءِ پنت ءُُ شون داتگ۔ ترجمان وزارت داخلہ ءِ ردا طیارہ کپگ ءَ تباہ بوؤکیں وھیلءِ سرا وزیر داخلہءِ پنتءُُ شونءِ سرا وزارت داخلہ ءِ درستیں ہمگرنچ محکمہ آں الرٹ کرتگ۔
اے ھوالہ ءَ سیکرٹری داخلہ ءَ چیئرمین این ڈی ایم اے ءَ رابطہ کرتگ ءُُ وھیل ءِ ھوالہءَ ہر ممکن آسراتی دئیگ ءِ پنتءُُ شون داتگ۔ وزیرد اخلہ ءِ پنتءُُ شونءَ پد ایف آئی اے ءُُ نادرا ءِ ٹیم زوتیں وڑ ءَ موہءَ سر بوت انت ، ایف آئی اے اولی پٹءُُ پول ءَ کمک کنت چوشکہ نادرا ءِ ٹیم مساپر آنی شناخت ءِ سلسلہ ءَ ھذمت کنانت۔ وزیر داخلہءِ پنت ءُُ شون ءِ سرا ایئر ونگ ءِ ہیلی کاپٹر ریسکیو ترندی ءَ این ڈیم ایم اےءَ کمک کنگ بیت۔
