یورپی عدالت اچ ترک جج دی مقدمے دی درخواست مسترد

برسلز (پاکستان نیوز پوائنٹ 18نومبر2016ء) یورپی عدالت انسانی حقوق ہک ترک تریمت جج دے مقدمے کوں سنڑنڑ توں انکا ر کر ڈتا ہے ۔ عدالت فیصلے اچ آکھیا ہے جو ترک جج کوںاپنڑی گرفتاری دے خلاف پہلے اپنڑے ملک دی آئینی عدالت نال رابطہ کرنڑاں چاہیدا ہے ۔ ایں جج کوں جولائی اچ تھیونڑ آلی ناکام بغاوت دے بعد گرفتار کر گھدا گیا ہا ۔ترکی اچ 15جولائی دے بعد 60ہزار توں ودھ لوکاں کوں نوکریاں توں فارغ کر ڈتا گیا ہے ۔انسانی حقوق دی ایں یورپی عدالت اینکوں ایں تناظر اچ 3ہزار توں ودھ شکایتاں ملیاں ہن ۔یورپی عدالت ایں فیصلے دے خلاف اپیل نی کیتی ونج سگدی ۔