جاپان دے شمال مشرقی علاقیں اچ 7.4 درجے شدت دا زلزلہ ،

1.4 میٹر تئیں اچیاں سمندری لہراں ساحلی علاقیں نال ٹکرا گیاں ، وختی طور تے کہیں وی مالی یا جانی ضیان دی اطلاع کائنی ملی

جاپان دے شمال مشرقی علاقیں اچ 7.4 درجے شدت دا زلزلہ ،
1.4 میٹر تئیں اچیاں سمندری لہراں ساحلی علاقیں نال ٹکرا گیاں ، وختی طور تے کہیں وی مالی یا جانی ضیان دی اطلاع کائنی ملی

ٹوکیو (پاکستان نیوز پوائنٹ 22نومبر2016ء) جاپان دے شمال مشرقی علاقیں اچ منگل دی سویل 7.4 درجے شدت دے زلزلے دے بعد 1.4 میٹر بلند سمندری لہراںساحلی علاقیں نال ٹکر گیاں تاں جو وختی طور تے کہیں وی جانی یا مالی ضیان دی اطلاع کائنی ملی ۔جاپانی اخباردے مطابق زلزلے پاروں فوکو شیما جوہری بجلی گھر دے ہک پلانٹ دا کولنگ سسٹم بند تھی گیا ۔ جاپان دی نیوکلیئر ریگولیشن اتھارٹی ولوں جاری بیان دے مطابق سویرے 5وج تے 59منٹ تے آونڑ آلے شدید زلزلے دے 11منٹ بعد ری ایکٹر نمبر 3دا کولنگ سسٹم ٹینک اچ پانڑیں دی سطح اچ تبدیلی دے تحت خود کار طریقے نال بند تھی گیا ۔

تاں جو پورے معائنے دے بعد اینکوں 7وج تے 47منٹ تے ولا چلا ڈتا گیا ۔جاپانی حکام دے مطابق زلزلے دے وختی بعد میاگی اتے فوکو شیما دے ساحلی ضلعیں سانگے سونامی وارننگ جاری کیتی گئی ہے اتے انہاں علاقیں نال لوکاںکوں محفوظ جہیں تے منتقل کیتا گیا ۔