فیس بک بہوں سارے صارفین کوں مویا قرار ڈے ڈتے ،بانی مارک زکربرگ وی شامل

لندن (پاکستان نیوز پوائنٹ 12نومبر2016ء) سماجی رابطے دی معروف ویب سائٹ فیس بک اُتے ہک غیر معمولی بگ چند لمحے کیتے ایندے بہوں سارے صارفین کوں مویا قرار ڈے ڈتے ، جنہاں اچ فیس بک دے بانی مارک زکربرگ وی شامل ہن ۔ برطانوی نشریاتی ادارے دی رپورٹ دے مطابق گزریل ڈینھ بگ فیس بک دے بہوں سارے انہاں صارفین دیاں پروفائلز اُتے میموریئل بینر پوسٹ کرڈتے جیہڑے حالی جیندے ہن ۔ توڑے فیس بک ولوں ایں خرابی بارے سنیہا جاری کیتا گیا ہئی جڈانجو بہوںسارے صارفین آپ دے دوستاں اتے ٹبراں کوں اے یقین ڈیواونڑ کیتے جو او جیندے ہن اپ دا فیس بک سٹیسٹس اپ ڈیٹ کیتا ۔فیس بک دے ہک ترجمان دا آکھنڑ ہئی جو اے ہک خوفناک خرابی ہئی جیکوں ٹھیک کرڈتا گئے ۔