خلیجی ملک دنیا دی چھیویں معاشی طاقت بنڑ سگدی ہن، شہزادہ محمد بن سلمان

خلیجی ملک دنیا دی چھیویں معاشی طاقت بنڑ سگدی ہن، شہزادہ محمد بن سلمان

ریاض (پاکستان نیوز پوائنٹ 12نومبر2016ء) سعودی عرب دے نائب ولی عہد اتے وزیر دفاع شہزادہ محمد بن سلمان آکھے جو خلیج تعاون کونسل دے رکن ملکاں کولوں دنیا دی چھیویں معاشی طاقت بنڑنڑ دا بہوں چنگا موقع ہے ۔ جیکر خلیجی ملک درست سمت اچ کم جاری رکھیا تاں آندے کجھ سالیں اچ خلیجی بلاک دنیا دی چھیویں وڈی معاشی قوت بنڑ سگدا ہے ۔ میڈیا رپورٹس دے مطابق ریاض اچ خلیجی ملکاں دی اقتصادی ترقی کمیٹی دے پہلے اجلاس نال خطاب کریندے ہوئیں شہزادہ محمد بن سلمان آکھے جو اساں خطے کوں دنیا دی بہترین معاشی قوت بنڑاونڑ کیتے دستیاب موقعے توں بھرپورفیدہ چاونڑ دی کوشش کریندے پئے ہن ۔

انہاں آکھیا جو ایں ویلھے دنیا اچ معاشی بلاک بنڑدے پئے ہن اتے اساڈے کولوں وی ہک مضبوط معاشی بلاک نبڑاونڑ دا بہوں چنگا موقع ہے ۔ خلیجی دی اقتصادی ترقی کمیٹی اساڈے ایں خواب کوں پوراکرنڑ دا بہوں چنگا فورم ہے۔