اقوام متحدہ(پاکستان نیوز پوائنٹ 9نومبر2016ء) اقوام متحدہ دے سیکرٹری جنرل بان کی مون شام وچ کیمیائی ہتھیاراں دے استعمال دے امکانات تے تشویش دا اظہارکیتاہے۔ذرائع ابلاغ دے مطابق بان کی مون اقوام متحدہ دی سلامتی کونسل کوں کیمیائی ہتھیاراں تے پابندی عائد کرنڑ آلی تنظیم دی رپورٹ دے حوالے نال ہک خط پیش کیتا۔سیکرٹری جنرل خط وچ کیمیائی ہتھیاراں دے استعمال دے شام یا ول دنیا دے کہیں ڈوجھے علاقے وچ اج یا ول آندے ڈینھان وچ ہک نارمل سطح تے آ ونڑ تے اپنڑے خدشات دااظہار کریندے ہوئیں آکھیا ہے جو انہاں ہتھیاراں دا استعمال کرنڑ آلیاں ولوں جواب دہ تھیونڑ پوسی۔
بان کی مون وضاحت کیتی ہے جو 23 ستمبر اتے 22 اکتوبر دے وچال آلے عرصے نال تعلق رکھنڑ آلی رپورٹ دے مطابق ہک تحقیقاتی وفد ولوں کیمیائی ہتھیاراں دے استعمال کرنڑ تے مبنی 4 دعویاں دا جائزہ گھدا گئے اتے شامی حکومت دی درخواست تے ڈو اگست کوںحلب وچ کیمیائی مادے استعمال کرنڑ دے دعوے تے تفتیش شروع کرڈتی گئی ہے۔
