نویاں امریکی پابندیاں تے شمالی کوریا دا سخت ردعمل

سیﺅل (پاکستان پوائنٹ نیوز17دسمبر 2018ء) شمالی کوریا نویاں امریکی پابندیاں تے سخت ردعمل دا اظہار کیتے ۔شمالی کوریا دی حکومت ولوں ہک بیان اچ آکھیا گے جو نویاں پابندیاں دی صورت اچ ماضی دا جھیڑا ولا شروع تھی سگدے۔ایندے علاوہ جزیرہ نما کوریا کوں جوہری ہتھیاراں توں پاک کرنڑ دیاں ساریاں کوششاں ہمیشہ کیتے دفن تھی سگدن ۔ایں بیان دے مطابق اگر امریکا اے سمجھدے جو پابندیاں سخت کرتے دباﺅ ودھیسی تاں او شمالی کوریا کوں جوہری ہتھیار ختم کرنڑ تے مجبور کر سگدے تاں اے انہاں دی بھل اے۔ واضح رہے جو امریکا ترائے اہم شمالی کوریائی عہدیداراں تے پابندیاں دا اعلان کیتے ۔