بھارت اچ 15نکی عمر دیاں بالڑیاں دے قتل دا ملزم سی سی ٹی وی کیمریں دی مدد نال گرفتار

بھارت اچ 15نکی عمر دیاں بالڑیاں دے قتل دا ملزم سی سی ٹی وی کیمریں دی مدد نال گرفتار

نئی دہلی (پاکستان پوائنٹ نیوز17دسمبر 2018ء) بھارتی پولیس بہوں ساریاں نکی عمر دیاں بالڑیاں دے قاتل کوں سی سی ٹی وی کیمریں دی مدد نال گرفتار کر گھدے۔سنیل کمار نامی شخص 7 سال دے دوران 15بالڑیاں دے قتل دا اعتراف کر گھدے جنہاں دیاں عمراں 2 سال توں 6 سال دے درمیان ہن ۔بھارتی اخبار دی رپورٹ دے مطابق سنیل کمار اے جرائم نئی دہلی، ہریانہ، اترپردیشن اتے مدھیہ پردیش اچ کیتن۔

ملزم ڈسائے جو او عموماً مندر تے مزاراں دے لنگرتوں مفت کھانڑاں گھننڑ آئے غریب بالڑیاں کوں پیسے تے ٹافیاں تے چاکلیٹ دا لالچ ڈے تے اغوا کر گھندا ہئی تے کہیں ویران جاہ تے ونج تے زیادتی کرنڑ دے بعد قتل کر ڈیندا ہئی ۔ملزم ڈسائے جو اوں ساریاں وارداتاں دی چنگی منصوبہ بندی کیتی ہئی تے سوچ سمجھ تے غریب لوکاں دے بالاں کوں نشانہ بنڑائے۔پولیس دے مطابق ملزم کوں گرو گرام دے علاقے اچ ہک مندر دے نیڑے سی سی ٹی وی کیمرے لاتے انہاں دی فوٹیج دی مدد نال شناخت کیتا گے۔