واشنگٹن (پاکستان پوائنٹ نیوز29 نومبر2018ء) امریکی وزارت دفاع پینٹا گون خبردار کیتے جو شام دے شہر حلب اچ حالیہ کیمیائی حملے دے شواہد مٹائے گئے تاں ایندا ذمہ دار روس ہوسی۔ امریکا کیمیائی حملے توںمتاثرتھیونڑآلے علاقے تئیں عالمی معائنہ کاراں کوں رسائی ڈیونڑ دا وی مطالبہ کیتے۔کیمیائی ہتھیاراں دے استعمال تے پابندی سانگے کم کرنڑ آلی تنظیم ولوں جاری رپورٹ اچ ڈسایا گئے جو حلب اچ مبینہ کیمیائی حملہ کیتا گیا جیندے توں تقریباً 100بندے متاثر تھئے۔
تنظیم ایںکاروائی دی ذمہ داری بشار الاسد حکومت، انہاں دے حلیف ملک روس اتے اپوزیشن گروپاں تے لاتی ہے۔کیمیائی ہتھیاراں دے استعمال کوں روکنڑ سانگے سرگرم تنظیم شامی حکومت توںمطالبہ کیے جوا وہ کیمیائی حملے دی تحقیقات سانگے تحقیق کاراں کوں جائے وقوعہ تئیں ونجنڑ دی اجازت ڈیون شواہد جمع کیتے ونج سگن ۔پینٹا گون دے ترجمان شون ہک بیان اچ آکھیے جو اساکوں شک ہے جو روس اتے شامی حکومت حلب اچ تازہ کیمیائی حملے دے شواہد مٹا چھوڑیسن۔انہاں آکھیا جو کیمیائی حملے دے شواہد مٹاونڑ دی بجائے معائنہ کاراں کوں متاثرہ علاقے تئیں ونجنڑ دی رسائی ڈتی ونجے تاں جو واقعہ دی منصفانہ تحقیقات کرائی ونجے۔
