بھارت، نقلی سرٹیفکیٹ تے 60نینگراں دی پولیس اچ بھرتی

نئی دہلی (پاکستان پوائنٹ نیوز 30 نومبر 2018ء) بھارت اچ نقلی سرٹیفکیٹ دے ذریعے پولیس اچ 60 نینگربھرتی کر گھدے گن ۔ بھارتی خبررساں ادارے دے مطابق ریاست اتر پردیش اچ16۔2015ءمحکمہ پولیس ہائی سکول اتے انٹر میڈیٹ دے نمبراں تے میرٹ دے مطابق بھرتی سانگے تریمتاں تے مرد امیدواراں توں درخواستاں منگیاں ہن ۔ میرٹ دی بنیاد تے انتخاب دے بعد جون 2018 ءاچ اعظم گڑھ ضلع اچ امیدواراں دے فٹنس دا جائزہ گھدا گیا جیں اچ اعظم گڑھ، کشی نگر، دیوریا اتے بلیا ضلع دے کل 285 امیدواراں کو ں منتخب کر گھدا گیا جیں دے بعد انہاں دے سرٹیفکیٹس دی جانچپڑتال کیتی گی تاں انکشاف تھیا جو 60 نینگر نقلی دستاویزات تے بھرتی کیتے گن جیرھے جو مختلف جہیں تے ڈیوٹی کریندے پن۔انہاں دے خلاف کاروائی کیتی ویندی پئی اے۔