کاربن ڈائی آکسائیڈ دااخراج نویں اتلی سطح تے پج گئے، اقوام متحدہ

برسلز (پاکستان پوائنٹ نیوز28نومبر2017ء) اقوام متحدہ دے موسمیاتی ادارے آکھیے جو ساری دنیا اچ مضر صحت گیس کاربن ڈائی آکسائیڈ دااخراج ہک نویںبلند ترین سطح تے پج گئے۔ اقوام متحدہ ولوںجاری کیتی گی رپورٹ مطابق ترائے سال تئیں مستحکم رہونڑ دے بعد 2017ءاچ کاربن دے اخراج اچ تقریباً 53 گیگا ٹن دا ودھارا تھئے۔ اقوام متحدہ دے موسمیاتی ادارے دی ایں رپورٹ اچ آکھیا گئے جو تحفظ ماحول دے پیرس معاہدے داہدف حاصل کرنڑ سانگے بین الاقوامی برادری کوں اپنڑیاں کوششاں اچ ترائے گناودھارا کرنڑ پوسی۔ رپورٹ مطابق ایجھی صورتحال اچ صدی دے چھیکڑ تئیں زمینی حدت اچ 3 فیصد تئیں ودھار اتھی سگدے۔