بھارتی حکام دا نقلی دستاویزات تے 52 پاسپورٹ جاری کرنڑ دا انکشاف

نئی دہلی (پاکستان پوائنٹ نیوز28نومبر2017ء) بھارتی پولیس دی اسپیشل برانچ نقلی دستاویزات تے 52 افغان باشندیں کوں پاسپورٹ جاری کرا ڈتن ۔ بھارتی خبررساں ادارے دے مطابق نقلی دستاویزات تے جاری کیتے گے پاسپورٹاں اچوں ہک پاسپورٹ 3 لکھ توں15لکھ روپے دے عوض جاری کیتا گے ۔انہاں اچوں پہلی واری 15پاسپورٹ جڈاں جو ڈوجھے واری 37 پاسپورٹ جاری کیتن ۔ واضح رہے جو سپیشل برانچ دے کجھ پولیس اہلکاراں انہاں غیر ملکی باشندیں دی فرضی اتے نقلی دستاویزات وی بنڑائن۔