سعودی عرب دی سلامتی اتے استحکام رتی لیک ہے ،سوڈا نی صدر

خرطوم (پاکستان نیوز پوائنٹ 06اکتوبر2016ء) سوڈان دے صدر محمد عمر البشیرہک دفعہ ولا سعودی عرب دے نال پوری یکجہتی دا اظہار کریندے ہوئیں آکھیا ہے جو سعودی عرب دی سلامتی تے استحکام سرخ لیک ہے جیں کوں ضیان پجاونڑ دی کہیں وی صورت اچ اجازت کائناں ڈتی ویسی ۔العربیہ ٹی دی وے مطابق سوڈانی صدر اجوکے موسم حج دے دوران حاجیاںکوں ہر ممکن سہولت ڈیونڑ آلے اللہ دے مہماناں دی خذمت کرنڑ تے سعودی مساعی کوں خراج تحسین پیش کیتا ۔ہک بیان اچ سوڈانی صدر آکھیا جو سعودی عرب دیاں خذمتاں کوں ہر صورت اچ منیا ونجے اتے مملکت دی سلامتی اتے امن تے استحکام سانگے سعودی عرب دا ساتھ ڈتا ونجے ۔انہاں زور ڈیندے ہوئیں آکھیا جو سعودی عرب دی سلامتی تے خود مختار ی اساڈیاں ذمے واریاں اچ شامل ہے ۔