غزہ (پاکستان نیوز پوائنٹ 06اکتوبر2016ء) اسرائیلی بحریہ غزہ دی ناکا بندی تروڑنڑ دی کوشش کرنڑ آلیاں تریمتاں دی بیڑی تے قبضہ کر گھدا ہے اتے اینکوںہک بندر گاہ تے منتقل کر ڈتا ہے ۔میڈیا رپورٹس دے مطابق زیتون دی شاخ ناں تی ایں بیڑی تے 13تریمتاں سوا ر ہن ۔انہاں اچ 1976اچ نوبل انعام یافتہ مائیر یڈ میگوائر وی شامل ہن ۔او شمالی آئیر لینڈ نال تعلق رکھیندی ہے ۔
انہاں دی ہم سفر ڈوجھیاں تریمتاں دا تعلق دنیادے مختلف ملکاں توں ہے ۔انہاں دا مقصد غزہ دی بحری ناکابندی کوں تروڑنڑ ہا ۔اسرائیلی میڈیادی رپورٹس دے مطابق ایں کشتی تے کوئی امدادی سامان کائناں لڈیا ہویا ہئی ۔کشتی تے سوا ر تریمتاں ہک ویب سائٹ تے ایس او ایس سنھیے بھیجے تے انہاں تے الزام لاتا گیا ہے انہاں کوں اسرائیلی مسلح فوج گرفتار کر گھدا ہے ۔
