دبئی (پاکستان نیوز پوائنٹ 04اکتوبر2016ء) متحدہ عرب امارات کی حکومت جدید انفارمیشن ٹیکنالوجی دے آلات توں استفادہ کریندے ہوئیں دبئی اچ سمارٹ مسیت دے قیام دا نواں پروگرام شروع کیتا ہے ۔ ایں منصوبے دے تحت ابتدائی طور تے 9 مسیتاں اچ سمارٹ سہولتاں ڈتیاں ویسن ۔عرب ذرائع ابلاغ دے مطابق وزارت مذہبی اموردے ڈائریکٹر جنرل حمد بن الشیخ احمد الشیبانی ہک بیان اچ ڈسایا جو حکومت عوام سانگے جدید سمارٹ سہولتاں دے ہک وسیع منصوبے تے عمل در آمد سانگے کوشاں ہن ۔
سارے شہریاں کوں سمارٹ فون اتے بئیاں سمارٹ سہولتاں دی فراہمی سانگے چنگے اقدامات کیتے ویندے پئے ہن۔انہاں آکھیا جو آونڑ آلے ڈینہاں اچ دبئی اچ 24گھنٹے تے ہفتے دے ست ڈینھ اچ شہریاں کوں سمارٹ سروسز توں فائدے دا موقع ڈتا ویسی ۔جدید سمارٹ سہولتاں اچ مسیت کوں سمارٹ سروسز دی فراہمی شامل ہے ۔اماراتی حکومت 'کیو آر کوڈ 'ٹیکنالوجی دی مدد نال پہلی واری ملک اچ عمارتاں کوں سمارٹ سہولتاں نال رلاونڑ دا پروگرام ترتیب ڈتا ہے
