جان کیری آندے ہفتے اشرف غنی اتے ڈاکٹر عبداللہ عبداللہ نال ملاقات کریسن

واشنگٹن (پاکستان نیوز پوائنٹ 03 اکتوبر2016ء) امریکی وزیر خارجہ جان کیری آندے ہفتے افغانستان دے صدر اشرف غنی اتے چیف ایگزیکٹو ڈاکٹر عبداللہ عبداللہ نال ملاقات کریسن۔میڈیا رپورٹس دے مطابق اے ملاقات آندے ہفتے بیلجئیم دے شہر برسلز اچ بین الاقوامی کانفرنس دے موقع تے تھیسی جیں اچ افغاستان اتے خطے دی صورتحال تے گالھ مہاڑ تھیسی۔اشرف غنی اتے ڈاکٹر عبداللہ عبداللہ وچال گزریل کئی ہفتیں توں اختلافات دیاں خبراں سامنڑے آندیاں پیاں ہن تے امریکا اتے یورپی اتحادیاں دی کوشش نال گزریل ڈینہاںڈوہیں رہنماواں وچال اختلافات دے خاتمے دا دعوی کیتا ہا ۔مبصرین دے مطابق برسلز اچ افغان رہنماءبئے عالمی لیڈراں نال وی ملاقات کریسن۔