واشنگٹن(پاکستان پوائنٹ نیوز 21 مئی 2018ء) امریکا دے صدر ڈونلڈ ٹرمپ آکھے جوا وہ سیاسی مقصد سانگے اپنڑی انتخابی مہم اچ ایف بی آئی دی مداخلت بارے تحقیقات دا مطالبہ کریسن۔برطانوی نشریاتی ادارے مطابق اپنڑے ٹویٹ اچ صدر ٹرمپ آکھے جو ا وہ ایہ جانڑن چاہندن جوپچھلی انتظامیہ ایجھی کہیں کارروائی دا حکم ڈتا ہا جو کائناں ڈتا ہا۔صدر ٹرمپ اپنڑے ٹویٹ اچ انکوائری کمیٹی دے سربراہ خصوصی کونسل روبرٹ مولر دی سربراہی اچ جاری تحقیقات ول اشارہ کیتا جیندے اچ2016ءدے الیکشن اچ روس دی مداخلت اتے صدر ولو ںغیر قنونی طریقاں نال انکوائری دی راہ اچ روڑے اڑاونڑ دیاں تحقیقات جاری ہن۔
صدر ٹرمپ آکھے جو اگرا یہ صحیح ہے تاں ایہ ساریاںتوں وڈاسیاسی سکینڈل ہے۔ ٹرمپ امریکا دے محکمہ انصاف کو ںحکم ڈتے جوا وہ ایف بی آئی دیاںسارے دستاویزات کوں منظر عام تے گھن آونڑ۔واضح رہوے جو تحقیقات داایہ مطالبہ ایجھے ویلھے سامنڑے آئے جڈاںامریکی میڈیا وفاقی تحقیقاتی ایجنسی دے مخبر دی ٹرمپ دی انتخابابی مہم چلاونڑ آلے ساتھیاں نال ملاقات دیاں خبراںسامنڑے آندیاں پن ۔
