امریکی پابندیاں اتے یورپی کمپنیاں دا تحفظ، خصوصی قانون دوبارہ فعال کرنڑ دا فیصلہ

برسلز (پاکستان پوائنٹ نیوز 18 مئی 2018ء) یورپی کمیشن دے صدر ڑاں کلود ینکر آکھیے جو ایران اچ کاروبار کرنڑ آلیاں کمپنیاں کوں امریکی پابندیاں دے نفاذ دے اثرات توں محفوظ رکھنڑ آلے خصوصی ضابطے کوں ولا فعال کیتا ویسی ۔ایں خصوصی قانون دے فعال تھیونڑ دے بعد ایران اچ کاروبار کرنڑ آلے یورپی اداریں سانگے امریکی پابندیاں تے عمل کرنڑ ضروری کائناں رہسی ۔ایں قانون کوں ولا توں فعال بنڑاونڑ دا مقصد 2015دی ایران دے نال جوہری ڈیل کوں برقرار رکھنڑاں اے ۔ یورپی یونین کوں امید اے جو ایران اپنڑے سانگے اقتصادی فائدے دے حصول دی خاطر بدستور ایں جوہری ڈیل تے عمل در آمد جاری رہ ویسی ۔