قاہرہ (پاکستان پوائنٹ نیوز 18 مئی 2018ء) سعودی وزیرخارجہ عادل الجبیرآکھیے جو امریکا اپنڑاں سفارتخانہ القدس منتقل کر تے بین الاقوامی قرار داداں دی خلاف ورزی کیتی اے۔عرب لیگ جنرل سیکریٹریٹ اچ سعودی عرب دی زیر صدارت عرب وزرائے خارجہ دے ہنگامی اجلاس نال خطاب اچ سیکرٹری جنرل احمد ابو الغیظ تل ابیب توں القدس امریکی سفارتخانہ منتقل کرنڑ دے فیصلے کوں پوری طاقت نال مسترد کر ڈتا۔
انھاں ایں امر تے زور ڈتا جو انہاں ڈینہاں دے دوران قابض اسرائیلی حکام غزہ دے علاقے اچ جیرھے مجرمانہ حملے کیتے ہن انہاں دی بابت خود مختار بین الاقوامی تحقیقاتی کمیشن مقرر کیتا ونجے ۔ انہاں اے وی آکھیا جو القدس سفارتکاراں دی منتقلی نال امن کوں ضیان تھیسی ۔ بین الاقوامی نظام دی قانونی اتے اخلاقی حیثیت سبوتاز تھیسی۔ انہا ں مختلف ملکاں توں مطالبہ کیتے جو اوامریکی اقدام دی پوری مخالفت داموقف برقرار رکھیسن۔ ابو الغیط سلامتی کونسل توں مطالبہ کیتے جو او فلسطینیاں کوں وختی تحفظ ڈیوے تے اندھا دھند قتل و غارت مچاونڑ آلے اسرائیلی نظام تے بندش لاوے ۔
