اساںجوہری معاہدے توں امریکا دے انج تھیونڑ دی تائید اتے ایران تے اقتصادی پابندیاں بحال کرنڑ دے فیصلے دی حمایت کریندوں،سعودی وزیر خارجہ دے ٹوئیٹس

ریاض (پاکستان نیوزپوائنٹ 09 مئی 2018ء) سعودی عرب دے وزیر خارجہ عادل الجبیر آکھے جواساں جوہری معاہدے توں امریکا دے انج تھیونڑ دی تائید اتے ایران تے اقتصادی پابندیاں بحال کرنڑ دے فیصلے دی حمایت کریندوں۔ اساںایران دیاں خطرناک پالیسیاں نال نبڑن سانگے اپنڑے شراکت داراں دے نال رل مل تے کم دا سلسلہ جاری رکھیسوں۔ٹوئٹر تے اپنڑے ڈو انج انج بیاناں اچ سعودی وزیر آکھیا جو ایران توںپابندیاں ہٹاونڑ دے فیصلے توں ایران فائدے چیندے ہوئیںخطے کوں عدم استحکام نال دوچار کرنڑ دیاں کارروائیاں اتے اساڈے خطّے اچ دہشت گرد جماعتاں دی سپورٹ اچ ودھارا کیتا جیندے اچ حزب اللہ اتے حوثی ملیشیا شامل ہن۔