ریاض (پاکستان نیوزپوائنٹ 09 مئی 2018ء) سعودی عرب امریکی صدر ڈونلڈ ٹرمپ دے ایران نال طے کیتے گئے جوہری سمجھوتے کوں خیرباد آکھنڑ اتے ایندے تے پابندیاں دی بحالی دے فیصلے دی حمایت دا اعلان کیتے۔الریاض توںجاری ہک سرکاری بیان اچ آکھیا گئے جوسعودی عرب ماضی اچ ایران اتے 06وڈیاں طاقتاں وچال سمجھوتے دی حمایت کیتی ہائی تھی اتے انہاں ولوں حمایت ایں وجہ توں کیتی گی ہائی جو معاہدے نال مشرق وسطیٰ اتے دنیا اچ وڈی تباہی کھنڈاونڑ آلے ہتھیاراں کوں محدود کرنڑ اچ مدد ملسی پرایران ایں سمجھوتے کوں خطے اچ اپنڑی تخریبی سرگرمیاں بالخصوص بیلسٹک میزائل بنڑاونڑ جاری رکھنڑ سانگے استعمال کیتا۔
بیان اچ بیا آکھیا گئے جو ایران حزب اللہ اتے حوثی ملیشیا سمیت خطے اچ دہشت گرد گروپاں دی حمایت کیتی۔جنھاں ایران توں منتقل کیتیاں گئیاں صلاحیتاں دی وجہ کنوں سعودی مملکت اتے یمن اچ شہریاں کوں اپنڑے حملیاں دا نشانہ بنڑایا۔سعودی عرب امریکی اعلان دے بعد ایں امیئد دا اظہار کیتے جو عالمی برادری ایران ،ایندیاں کاروائیاں اتے حزب اللہ تے حوثی ملیشیا سمیت دہشت گرد گروپاں دی حمایت دے خلاف ہک پکا تے ہک مٹھ موقف اختیار کریسی ۔
