سعودی عرب، القصرا مال اچ مملکت دا تریجھا وڈا سینما گھر کھولیا ویسی

ریاض (پاکستان نیوزپوائنٹ 26اپریل 2018ء) سعودی دارالحکومت ریاض دے جنوب اچ وختی تریجھا سینما گھر کھولیا ویسی ۔سعودی ذرائع ابلاغ دے مطابق القصر مال دی انتظامیہ ٹویٹر دے اکاﺅنٹ تے تحریر کیتے جو اساکوں پتہ اے جو شائقین اساں توں کیا چاہندن تے اساں انہاں سانگے کیا کر سگدوں ۔ٹویٹر اچ مزید وضاحت کریندے ہوئیں ڈسایا گیا جو وختی ہی لوکاں دی تفریح سا نگے القصرا اچ وی جدید نوعیت دا سینما گھر قائم کرڈتا ویسی ۔ واضح رہے جو سینما دے قیام دی حتمی تاریخ دے حوالے نال کجھ کائنی ڈسایا گیا ۔