شام سانگے ڈونرز کانفرنس، توقع توں گھٹ امداد جمع تھی

برسلز (پاکستان نیوزپوائنٹ 26اپریل 2018ء) 2018دے دوران شام دی مالی امداد دے سلسلے اچ توقع توں گھٹ امدادی وعدے سامنڑے آئے ہن ۔ برسلز اچ منعقدہ ڈونرز کانفرنس اچ منتظمین بلین ڈالر جمع کرنڑ دی توقع ظاہر کیتی ہئی ۔ گزریل ڈینھ تھیونڑ آلی کانفرنس دے بعد اقوام متحدہ دے ریلیف ادارے دے سربراہ مارک لوکاک ڈسایا جو شرکاولوں تقریباً ساڈھے 4 بلین ڈالر دے وعدے سامنڑے آئے ۔ جرمن حکومت ایں کانفرنس اچ 01 بلین یورو ڈیونڑ دا اعلان کیتا ۔یورپی یونین دے مطابق او سالانہ امداد دے حجم کوں برقرار رکھنڑ دے حق اچ اے ۔یونین ولوں 560ملین یورو دی امداد ڈتی ویندی اے ۔ برطانیہ 280 ملین ڈالر ڈیونڑ دا وعدہ کیتا۔