بیروت (پاکستان نیوزپوائنٹ 16مارچ2018ء) لبنانی پراسیکیوٹر جنرل فلپائنی خادمہ دے قاتل جوڑ ے کوں کویت دے حوالے کرنڑ توں انکار کر ڈتے ۔کویتی اخبار دے مطابق لبنانی جوڑے اپنڑی فلپائنی ملازمہ دیما فلپس کوں قتل کرتے ایندی لاش ڈیپ فریزر اچ لکاونڑ دے بعد کویت توں لبان فرار تھی گن ۔مقتولہ دے وارثاں فلپائنی حکومت توں بہوں واری رابطہ کرتے مطالبہ کیتے جو او گمشدہ دیما فلپس بارے اطلاع ڈیون جیں نال کہیں قسم دا رابطہ نی تھیندا پیا۔
اخبار آکھیے جو فلپائنی ملازمہ دے قتل دا انکشاف ایں وقت تھیا جڈاں مالک مکان لبانی کرائے دار دا فلیٹ پولیس دی موجودگی اچ کھلوایا جتھاں ڈیپ فریزر توں ایندی لاش بر آمد تھی ۔ کویتی پولیس فلپائنی مقتولہ دے قاتل جیرھے جو لبنانی جوڑا ہئی جیں ڈے مقتولہ کم کریندی ہئی کوںلبنانی حکومت توں طلب کیتا تاں جو مجرماںتے کویتی عدالت اچ مقدمہ چلایا ونج سگے۔ ایں ضمن اچ کویتی پولیس انٹرپول نال وی رابطہ قائم کیتا تاں جو او قاتلاں کوں انہاں دے حوالے کرے ۔
