شام، سرکاری فوج اہم ترین قصبے حموریہ دا کنٹرول گھن گھدے

دمشق (پاکستان نیوزپوائنٹ 16مارچ2018ء) شام دی سرکاری فوج مشرقی غوطہ دے جنوبی حصے اچ واقع اہم ترین قصبے حموریہ دا کنٹرول گھن گھدے۔ ایہ پیش رفت علاقے دے مشہور گروپ فیلق الرحمن دے جنگجوواں د ے نکلنڑ دے بعد سامنڑے آئی ہے۔العربیہ ٹی وی دے مطابق برطانیہ اچ قائم انسانی حقوق دی تنظیم ڈسئے جو شامی حکومت دی فوج الغوطہ الشرقیہ دے 70 فیصد توں ودھ رقبے دا کنٹرول گھن گھدے۔شامی حکومت دی فوج کئی ڈینھاں دی شدید بمب باری اتے مقامی آبادی دے ہزاراں بندیاں دی نقل مکانی دے بعد قصبے اچ وڑ گئی ہے۔تنظیم دے مطابق گزریل ڈینھ 12 ہزار توں ودھ بندیاں حموریہ اتے ایندے نواحی قصبیاں توں نکل تے شامی حکومت دی فوج دے زیر کنٹرول علاقیاں آلے پاسے کوچ کر گئے ہن۔