ریاض (پاکستان نیوزپوائنٹ 14مارچ2018ء) سعودی عرب دی کابینہ جوہری توانائی پروگرام بارے قومی پالیسی دی منظوری ڈے ڈتی۔العربیہ ٹی وی دے مطابق منظور کردہ قومی پالیسی دے تحت سارے جوہری سرگرمیاں پرامن مقاصد سانگے ہوسن تے بین الاقوامی معاہدیں دے مطابق انجام ڈتیاں ویسن ۔ایں پالیسی اچ جوہری مواد نال قدرتی وسائل دے مفید استعمال دی ضرورت تے زورڈتا گیا اے۔
ایندے تحت تابکاری فضلات کوں مناسب طریقے نال تلف کیتا ویسی ۔سعودی عرب توانائی دے وسائل کوں متنوع بنڑاونڑ سانگے جوہری پروگرام کوں ترقی ڈیندا پے تے جوہری بجلی پیدا کرنڑ چاہندے ۔سعودی عرب امریکا نال پر امن مقصد سانگے جوہری تعاون دا معاہدہ چاہندے تے ایں مملکت دے پہلے جوہری توانائی پروگرام دی ترقی سانگے امریکی فرماں کوں وی دعوت ڈتی اے ۔
