کرنسی دے استحکام سانگے متحدہ عرب امارات دی سوڈان کوں ہک ارب 50کروڑڈالر دی امداد

کرنسی دے استحکام سانگے متحدہ عرب امارات دی سوڈان کوں ہک ارب 50کروڑڈالر دی امداد

خرطوم (پاکستان نیوزپوائنٹ 14مارچ2018ء) متحدہ عرب امارات سوڈان دی کرنسی کوں مستحکم کرنڑ تے بین الاقوامی کرنسیاں اچ ایندیاں ڈھاندیاں ہویاں قیمتاں کوں روکنڑ سانگے خرطوم کوں ہک ارب 50کروڑ ڈالر دی امداد ڈتی اے ۔سوڈا ن دی سرکاری خبر رساں ایجنسی دے مطابق خرطوم کوں کرنسی اچ استحکام سانگے مالی امداد ابوظہبی دے ترقیاتی فنڈ ولوں جاری کیتی گی اے جیرھا جو سوڈان دے مرکزی بنک کوں منتقلی کیتی گی اے ۔واضح رہے جو اجوکے مہینے دے دوران سوڈان دی قومی کرنسی غیر ملکی کرنسیاں دے مقابلے اچ مسلسل زوال داشکار اے ۔کرنسی دیاں ڈھاندیاں ہویاں قیمتاں پاروں در آمدات تے بر آمدات تے وی منفی اثرات پن تے ملک اچ ترقی تے شرح نمو دی رفتار وی گھٹ تھی گی اے ۔