لندن (پاکستان نیوزپوائنٹ 16فروری2018ء) برطانیہ اچ طالب علماں کوں 35زباناں سکھاونڑ آلی39 سالاں دی استانی ٹیچر اینڈریا ظفیرا کاﺅگلوبل پرائز سانگے چنڑ گھدا گے۔برطانوی ذرائع ابلاغ دے مطابق برطانیہ دے شہر برینٹ دے ایلپرٹن کمیونٹی سکول دے بالاں اچ وڈی تعداد تارکین وطن بالاں دی اے تے39 سالہ اینڈریا ظفیراکاﺅ اسی سکول اچ پڑھیندی اے۔ایں سکول اچ پڑھنڑ آلے بالاں دی اکثریت دے والدین مختلف ملکاں توں ہجرت کرتے برطانیہ اچ آباد تھن۔
بہوں سارے بالاں تے انہاں دے ماءپیو کوں انگریزی بولنڑ کائنی آندی ۔اینڈریا اپنڑے سکول دے بالاں تے انہاں دے ماءپیو نال رابطے کوں بہتر بنڑاونڑ سانگے 35مختلف زباناں اچ بالاں تے ماءپیو کوں سکول اچ خوش آمدید تے الوداع آکھنڑ سکھایا تے ہنڑ انہاں زباناں کوں انہاں نال رابطے سانگے بہوں چنگے طریقے نال استعمال کریندین ۔اینڈریا جیرھیاں زباناں سکھائن انہاں اچ اردو، عربی، ہندی، تامل، گجراتی، پرتگالی، صومالی، رومانین اتے پولش زباناں شامل ہن۔
