پاکستان دے دشمن ساڈی ترقی اتے سی پیک کوں ناکام بنڑاونڑ دی کوشش کریندے پن، ساکوں ملکی سلامتی اتے مفاد اچ اتحاد برقرار رکھنڑے،وزیر داخلہ احسن اقبال

اوسلو (پاکستان نیوزپوائنٹ 15فروری2018ء) وزیر داخلہ پروفیسر احسن اقبال آکھیے جو پاکستان دے دشمن ساڈی ترقی اتے سی پیک کوں ناکام بنڑاونڑ دی کوشش کریندے پن، ساکوں ملکی سلامتی اتے مفاد اچ اتحاد برقرار رکھنڑے۔ وزارت داخلہ توں جاری اپنڑے بیان اچ وزیر داخلہ احسن اقبال دا آکھنڑ ہا جو تازہ واقعیاں توں اے تاثر ملدے جو ساکوں خطریاں دا اندازہ کائنی،ایں صورتحال اچ سیاسی انتشار تباہی دا موجب بنڑ سگدے، ساکوں چاہیدے جو اساں اپنڑا اتحاد برقرار رکھوں۔ انہاں آکھیے جو مسلم لیگ ن کوں دباونڑ سوکھا نئیں، لودھراں دا الیکشن ساریاں دا اکھیں کھولنڑ کیتے بہوں اے۔