عالمی مارکیٹ اچ تیل دیاں قیمتاں اچ ودھارا ،ایشیاءاچ گھٹکی

نیویارک (پاکستان نیوزپوائنٹ26جنوری2018ء) عالمی مارکیٹ اچ تیل دیاں قیمتاں اچ ودھارے دا رجحان برقرار ہے جیندی وجہ امریکا اچ خام تیل دے ذخیرہ اچ مسلسل گھٹکی آونڑ ہے جڈانجو ایشیائی مارکیٹ اچ جمعہ کوں خام تیل دیاں قیمتاںگھٹ تھئیاں۔ نیویارک مرکنٹائل اچ ویسٹ ٹیکساس انٹرمیڈیٹ دے وقفے دے بعد سودے44 سینٹ ودھ تے 66.05 ڈالر فی بیرل رہے جڈانجو برنٹ نارتھ سی کروڈ دے مارچ سانگے سودے 31سینٹ ودھ تے 70.84 ڈالر فی بیرل اچ طے کیتے گئے۔ایشیاءاچ سنگا پور مرکنٹائل اچ برنٹ نارتھ کروڈ دی مارچ سانگے سپلائی 20 سینٹ دی گھٹکی دے نال 70.22 ڈالر فی بیرل اتے ڈبلیو ٹی آئی امریکی کروڈ دی سپلائی13 سینٹ گھٹ تھی تے65.38 ڈالر فی اونس اچ طے پاتی۔