امریکا اتے یورپ اچ سونے دیاں قیمتاں اچ ودھارا

لندن (پاکستان نیوزپوائنٹ26جنوری2018ء) امریکا ا تے یورپ اچ سونے دیاں قیمتاں اچ ودھارے داعمل برقرار ہے ۔یورپ اچ گزریل رات سونے دیاں قیمتاں ودھ تے ریکارڈسطح1366.07 ڈالر فی اونس تئیں ونجنڑ دے بعد جمعہ دی سویل تھوڑی واپس آئی جیندی وجہ ڈالر دی شرح تبادلہ اچ گھٹکی آونڑ ہا ۔ نیویارک اچ وقفے دے بعد سپاٹ گولڈ دیاں قیمتا ں0.3 فیصد ودھ تے 1361.51 ڈالر فی اونس رہی جڈانجو یو ایس سپاٹ گولڈ دی فروری سانگے سپلائی 0.5 فیصد 6.60) ڈالر)ودھ تے 1362.90 ڈالر فی اونس اچ طے تھئے ،چاندی دیاں قیمتاں وی ودھ تے 17.58 ڈالر فی اونس رہیاں۔ لندن سپاٹ گولڈ دیاں قیمتاں0.1 فیصد ودھ تے 1359 ڈالر فی اونس تے بند تھئی ۔امریکی سونے دے سودے 0.1 فیصد ودھنڑ دے نال 1358.20 ڈالر فی اونس اچ طے کیتے گئے۔چاندی1755 ڈالر فی اونس رہی ۔