جرمن پارلیمان دا نیٹو دے انسداد دہشتگردی مشن اچ جرمن فوج دیاں خدمتاں ودھاونڑ دا فیصلہ

برلن (پاکستان نیوزپوائنٹ 13دسمبر2017ء) جرمن پارلیمان بحیرہ روم اچ نیٹو دے انسداد دہشتگردی مشن اچ جرمن فوج دیان خدمتان ودھاونڑ دا فیصلہ کیتے۔ جرمن خبررساں ادارے موجب اے توسیع ترائے مہینے کیتے ہوسی۔ایں حوالے نال طویل المدتی فیصلہ نویں حکومت کریسی۔ مغربی دفاعی اتحاد دے ایں مشن اچ جرمن فوج دے 175 اہلکار شامل ہین۔ایویں ہی افغانستان اتے مالی اچ موجود جرمن فوجیاں دی تعیناتی اچ وی ترائے ترائے مہینے دی توسیع کیتی گئی اے۔شام اتے عراق اچ داعش دے خلاف کارروائیاں اچ وی جرمن فوج تربیت اتے نگرانی دا کم جاری رکھیسی۔