لندن (پاکستان نیوزپوائنٹ 13دسمبر2017ء) برطانوی وزیرخارجہ آکھیے جو ایران اتے برطانیہ دے تعلقات اچ ہک نوین دور دا آغاز تھیندا پئے۔جرمن خبر رساں ادارے موجب برطانوی وزیر خارجہ بورس جانسن ہک بیان اچ آکھیے جو ایران دے دورے اچ ایرانی حکام نال انہاں دے مذاکرات مثبت رہین۔ ایٹمی معاہدے توں بعد ایران اتے برطانیہ دے تعلقات ہک نویں دور اچ ویندے پین۔
انہاں برطانیہ کیتے ایٹمی معاہدے دی اہمیت داڈسیندے ہوئیں آکھیے جو ایرانی حکام نال مذاکرات اچ ایٹمی معاہدے کوں باقی رکھنڑ تے زور ڈتا گئے۔ بورس جانسن آکھیے جو ایٹمی توانائی دی عالمی ایجنسی ایٹمی معاہدے تے ایران دے پابند راہنڑ دی کئی واری تصدیق کیتی اے۔ انہاں امریکی صدرولوں ایٹمی معاہدے تے ایران دے وعدیاں دی تکمیل دی تائید نہ تھیونڑ تے کوئی اشارہ ڈتے بغیر آکھیے جو سارے فریقاں کوں ایں معاہدے دے حوالے نال آپنڑے وعدیاں دا پاس رکھنڑا چاہیدے۔
