استنبول (پاکستان نیوزپوائنٹ 07دسمبر2017ء) ترکی نے امریکی صدر ڈونلڈ ٹرمپ ولوں مقبوضہ بیت المقدس کوں اسرائیل دا دارالحکومت منڑ تے غیر ذمہ دارانہ تے غیر قنونی اعلان دی مذمت کیتی ہے۔ ترک وزیر خارجہ ٹویٹر تے اپنڑے ہک پیغام وچ آکھیا ہے جو اساں امریکی انتظامیہ دے غیر ذمہ دارای دے اعلان دی مذمت کریندوں، کیوںجواے عالمی قنوناںتے اقوام متحدہ دیاں قرار داداں دی خلاف ورزی ہے۔
ترک وزیر خارجہ آکھیا جو اسرائیل تے فلسطین وچال تنازعہ صرف فلسطینی ریاست بنڑن نال ہی حل تھیسی ، جیندا دارالحکومت مشرقی بیت المقدس ہے۔ انہاں آکھیا جو امریکی صدر دے فیصلے نال خطے دے امن تے استحکام تے ڈھگ سارے منفی اثرات پوسن اتے ایں اعلان دے نال امن دے قیام دے عمل کوںودھ سارانقصان پجنڑ داخطرہ ہے ۔انہاں آکھیا جو اساںامریکی انتظامیہ توں مطالبہ کریندوں جو ا وہ ایں فیصلے تے نظرثانی کرنڑ ،جیندے ودھ سارے منفی اثرات پوسن۔
امریکی صدر ڈونلڈ ٹرمپ ولوں ایں اعلان توں پہلے ترک صدر رجب طیب اردوان ہوراںاردن دے شاہ عبداللہ دے نال ملاقات وچ وی خبردار کیتا ہا جو ا یہ اقدام دہشت گرد گروپاں دے ہتھاں وچ کھیڈنڑ دے مترادف ہے۔ترک صدر رجب طیب اردوان ایں مسئلے تے خیالیں دے تبادلے سانگے 13 دسمبر کوں استنبول وچ اسلامی تعاون تنظیم دا سربراہ اجلاس وی سڈ گھدے ۔
