نیویارک (پاکستان نیوزپوائنٹ 07دسمبر2017ء) اقوام متحدہ دے سیکرٹری جنرل انتونیو گوئٹرس آکھیا ہے جو مقبوضہ بیت المقدس دی حثیت دا تعین صرف اسرائیل تے فلسطین وچال امن مذاکرات دے ذریعے کیتا ونجنڑچاہیدے۔ امریکی صدر ڈونلڈ ٹرمپ ولوں مقبوضہ بیت المقدس کوں اسرائیل دا دارالحکومت آکھنڑدے ہکے پاسے دے اعلان دے بعد اپنڑے ہک بیان وچ انہاں آکھیا جو اسرائیل تے فلسطین وچال ڈو ریاستی حل دا کوئی متبادل کائنی۔
انہاں آکھیا جومقبوضہ بیت المقدس کو ںاسرائیل تے فلسطین ڈوہائیں سانگے دارالحکومت تصور کیتا ونجنڑ چاہیدے ۔انہاں آکھیا جوا وہ پہلے ڈینھ توں ہی کہیں وی ایجھے اقدام دی مخالفت کریندے آئے ہن جیندے نال اسرائیل تے فلسظین وچال امن عمل کوں نقصان پجے ۔انہاں آکھیاجومقبوضہ بیت المقدس دی حثیت ہک ایجھا مسئلہ ہے جیں سانگے اسرائیل تے فلسطیناں دے جائز تے قنونی خدشات کو ںمد نظر رکھیندے ہوئیں ڈوہائیں فریق امن مذاکرات نال حل کر سگدن۔
