دبئی (پاکستان نیوزپوائنٹ 24نومبر2017ء) متحدہ عرب امارات فوج دے شعبے اچ روبوٹ دی تعیناتی دی تیاری کریندا پے ۔عرب ذرائع ابلاغ دے مطابق دبئی پولیس اچ سمارٹ سروسز دے شعبے دے ڈائریکٹر بریگیڈیئر خالد ناصر الرزوقی آکھیا ہے جو اساں فوج دے شعبے اچ روبوٹ دی تعیناتی دی منصوبہ بندی کریندے پیوں۔دبئی اچ منعقدہ سائنس سربراہ کانفرنس اچ شرکت دے موقع تے الرزوقی آکھیا جو دبئی اچ 27 مختلف سروسز جنہاں کوں انسانی ہتھاں نال کیتا ویندا ہئی ہنڑ روبوٹس دے حوالے کیتیاں گیاں ہن ۔
دبئی اچ سمارٹ مرکز قائم کیتا گے۔ایں مرکز اچ روبوٹس شہریاں کوں ڈیل کریندن ۔انہاں دا آکھنڑ ہے جو حکومت 2018اچ ودھ توں ودھ سمارٹ پولیس مرکز دے قیام دے ذریعے شہریاں دی 80فیصد تعداد دے مسلے انہاں سمارٹ مرکز اچ حل کرنڑ دی پالیسی بنڑائی ہے تاں جو حکومتی مرکز دے پاسے لوکاں کوں زحمت نہ کرنڑیں پووے انہاں دیاں شکایتاں وختی نبیڑ یاں ونجن۔
