خلیجی بحران، ڈو قطری گیس کمپنیاں دا 500 ملازماں کوں فارغ کرنڑ دا فیصلہ

دوحہ (پاکستان نیوزپوائنٹ 24نومبر2017ء) قطر اچ درپیش مالی بحران پاروںگیس دیاں ڈو وڈیا ں کمپنیاں راس گیس اتے قطر گیس مالی بحران پاروں عملہ گھٹ کرنڑ دا فیصلہ کیتا ہے ۔عرب ذرائع ابلاغ دے مطابق قطر دی سیال گیس پیدا کرنڑ آلیاں ڈو وڈیاں کمپنیاں قطر گیس اتے راس گیس پنج سو ملازماں کوں فارغ کرنڑ دا فیصلہ کیتا ہے ۔رپورٹ دے مطابق قطر پٹرولیم دے زیرانتظام سیال قدرتی گیس تیار کرنڑ آلیاں کمپنیاں اجوکے سال جون اچ ہی اپنڑے ملازماں دی تعداد گھٹ کرنڑ دا فیصلہ کیتا ہئی ۔ قطر پٹرولیم دے چیف ایگزیکٹو آکھیا جو قطر گیس اتے راس گیس کمپنیاں دے ہک ڈوجھے دے ضم تھیونڑ اچ اپریشل خرچیں اچ لکھاں ڈالر دا تھوڑ آسی ۔