سعودی عرب اچ جاز موسیقی فیسٹیول دا اعلان، غیر ملکی موسیقار فن دا مظاہرہ کریسن

ریاض (پاکستان نیوزپوائنٹ26اکتوبر2017ء) سعودی عرب دے ہک صنعتی زون اجوکے سال دے چھیکڑ تے جاز موسیقی دے فیسٹیول دے منصوبے دا اعلان کیتا ہے ۔برطانوی نشریاتی ادارے دے مطابق صنعتی زون ولوں اے فیصلہ ملک دی ایں پالیسی دا حصہ ہے جیں دے تحت ملکی معیشت دا انحصار تیل تے گھٹ کریندے ہوئیں سیاحت تے تفریحی سرگرمیاں کوں ودھارا ڈیونڑ ہے ۔جدہ دے نیڑے کنگ اکنامک سٹی تعمیر کرنڑ آلے گروپ ای ای سی دے گروپ چیف ایگزیکٹو فہد الراشد ڈسایا جو انہاں دا مقصد ہے جو جاز فیسٹیول اچ غیر ملکی موسیقار اپنڑے فن دا مظاہر ہ کریسن ۔انھاں آکھیا جو ملک اچ ایں طرح دے پروگرام تے ثقافتی پرفارمنس دی بہوں منگ ہے جیں تے کم نی کیتا گیا۔