دنیا دے 35کروڑ لوک کہیں وی گنتی اچ کائنی آندے ،یونیسکو

پیرس (پاکستان نیوزپوائنٹ25اکتوبر2017ء) اقوام متحدہ دے ادارہ تعلیم و ثقافت( یونیسکو )اجوکے سال دی تعلیم تے خواندگی دے حوالے نال اپنڑی رپورٹ اچ آکھیا ہے جو دنیا دی ہک تعداد بغیر ضابطہ دستاویزات دے زندگیاں گزریندی پئی ہے ایں سانگے انہاں دے اعداد شمار اچ 35کروڑ دی غلطی تھی سگدی ہے ۔اے او لوک ہن جیرھے کہیں وی شمار قطار اچ شمار کائنی تھیندے ۔اے لوک آبادی اچ گنڑیے ہی کائنی ویندے تے نہ کہیں رپورٹ اچ ڈکھائی ڈیندے ہن ۔اے بہوں غریب ہن ۔بغیر دستاویزات دے اے کروڑاں لوک سارے دنیا دے شہراں دے آسے پاسے کچی آبادی اچ وسدے ہن یا غیر قانونی تارکین وطن ہن جیرھے جو حکام ڈے ونج ہی نی سگدے ۔ادارے آکھیا جو تعلیم دے اعداد شمار کٹھے کرنڑ تے تعلیم کوں موثر بنڑاونڑ ،ڈوہیں وڈے مسئلے ہن ۔